"Nyukasl" vingeri Entoni Gordon faoliyatini boshqa ingliz jamoasida davom ettirishi mumkin. Bu haqda ijtimoiy tarmoqlar orqali insayder Fabrisio Romano ma’lum qildi.
Manbaga ko‘ra, 24 yoshli britaniyalikni Londonning "Arsenal" klubi o‘z safiga qo‘shib olmoqchi. "Kanonirlar" Gordonning ehtimoliy transferi bo‘yicha muzokaralarni boshladi. Londonliklarning futbolchi uchun raqobatda raqibi "Liverpul" hisoblanadi.
Entoni o‘tgan mavsumda "Nyukasl" safida 42 ta bahsda qatnashib, 9 ta gol va 7 ta golli uzatma muallifi bo‘ldi. Futbolchining bozor narxi 65 million yevroga baholanmoqda.













