"Liverpul" hujumchisi Diogu Jota faoliyatini "Nyukasl"da davom ettirishi mumkin.

Jurnalist Sebastyen Vidalning ta’kidlashicha, "qarg‘alar" 28 yoshli portugaliyalik futbolchining transferi bo‘yicha "Liverpul"ga 50 million yevrolik taklif bilan chiqishga tayyorlanmoqda. Manbaga ko‘ra, "Nyukasl" Chempionlar ligasining navbatdagi mavsumida yanada raqobatbardosh bo‘lish uchun yangi forvardni o‘z safiga qo‘shib olmoqchi.

Jota 2024/25 yilgi mavsumda barcha turnirlarda 37 ta o‘yinda maydonga tushib, 9 ta gol urdi va 4 ta golli uzatmani amalga oshirdi.