Ispaniyadagi futbolchilar kasaba uyushmasi "Real"ning La Ligadagi birinchi o‘yinini qoldirishni so‘ramoqda.

Ispaniya futbolchilar assosiasiyasi La Liga "Real"ning chempionatdagi ilk o‘yini sanasini ko‘chirishini istamoqda, deb yozadi Marca.

"Bugundan boshlab hech bo‘lmaganda sog‘lom fikr nuqtai nazaridan o‘yinni boshqa kunga ko‘chirish va sanoat manfaatlarini futbolchilar salomatligidan ustun qo‘yishni bas qilish kerak. Bu La Liga sharafini himoya qilayotgan "Real"ga zarar keltiradi.

U keyinroq boshlashi mumkin, axir bu jamoa Ispaniya chempionatini eng yuqori darajada himoya qiladi va aynan futbolchilar klublarga qiymat beradi," - deya ta’kidladi AFE.

Jamoa shartnomasiga ko‘ra, o‘yinchilar 30 kalendar kunlik ta’til olish huquqiga ega, shundan kamida 21 kuni ketma-ket bo‘lishi kerak.

Ispaniya chempionati 17 avgust kuni start oladi. "Real" La Liga 1-turini o‘z maydonida "Osasuna"ga qarshi o‘tkazishi kerak.

AFE "Real"ning birinchi o‘yinini o‘tkazish uchun ehtimoliy sanalarni taklif qildi - 27 avgust, 29 oktyabr (Ispaniya Kubogining birinchi bosqichi o‘tkaziladigan sana) yoki 3 dekabr (Kubokning ikkinchi bosqichi sanasi).