Испаниядаги футболчилар касаба уюшмаси "Реал"нинг Ла Лигадаги биринчи ўйинини қолдиришни сўрамоқда.
Испания футболчилар ассоциацияси Ла Лига "Реал"нинг чемпионатдаги илк ўйини санасини кўчиришини истамоқда, деб ёзади Marca.
"Бугундан бошлаб ҳеч бўлмаганда соғлом фикр нуқтаи назаридан ўйинни бошқа кунга кўчириш ва саноат манфаатларини футболчилар саломатлигидан устун қўйишни бас қилиш керак. Бу Ла Лига шарафини ҳимоя қилаётган "Реал"га зарар келтиради.
У кейинроқ бошлаши мумкин, ахир бу жамоа Испания чемпионатини энг юқори даражада ҳимоя қилади ва айнан футболчилар клубларга қиймат беради," - дея таъкидлади AFE.
Жамоа шартномасига кўра, ўйинчилар 30 календарь кунлик таътил олиш ҳуқуқига эга, шундан камида 21 куни кетма-кет бўлиши керак.
Испания чемпионати 17 август куни старт олади. "Реал" Ла Лига 1-турини ўз майдонида "Осасуна"га қарши ўтказиши керак.
AFE "Реал"нинг биринчи ўйинини ўтказиш учун эҳтимолий саналарни таклиф қилди - 27 август, 29 октябрь (Испания Кубогининг биринчи босқичи ўтказиладиган сана) ёки 3 декабрь (Кубокнинг иккинчи босқичи санаси).
