Klublar o‘rtasidagi JCH o‘yinlariga o‘rtacha 35 ming tomoshabin tashrif buyurmoqda.

Jurnalist Kave Solekolning ma’lum qilishicha, ayni paytga qadar klublar o‘rtasidagi jahon chempionati o‘yinlariga jami 2 million muxlis chipta sotib olgan.

Eng ko‘p tomoshabin tashrif buyurgan o‘yin turnirning guruh bosqichidan o‘rin olgan "PSJ" - "Atletiko" (4:0) uchrashuvi bo‘ldi - 80 819 tomoshabin. Shuningdek, "Real," "PSJ," "Bavariya," "Inter," "Yuventus" va "Boka Xuniors" jamoalari ishtirokidagi o‘yinlar ham turnirdagi eng ommabop o‘yinlar qatoridan o‘rin oldi. Shu bilan birga, ingliz jamoalari ishtirokidagi o‘yinlar tomoshabinlar soni bo‘yicha kuchli yettilikka kirmadi.