Yarim himoyachi Samuele Richchi "Milan"ga o‘tganidan keyingi hissiyotlari bilan o‘rtoqlashdi.
Avvalroq, klub futbolchi bilan 4 yillik shartnoma imzolagani ma’lum bo‘lgandi.
"Hissiyotlar shunchalik ko‘pki, men hech qachon so‘nggi kunlardagi kabi hayajonlanmaganman. Albatta, bu men uchun sharaf, chunki bu "Milan"dek katta klub," - deya uning so‘zlarini keltiradi "rossonerilar" matbuot xizmati.
Shu bilan birga, futbolchi bo‘lajak mavsum u uchun juda muhim bo‘lishini ta’kidladi, chunki jamoada unga ma’lum umidlar bildirilmoqda.
"Milan" Richchini "Torino"dan sotib oldi. Bitim qiymati 23 million yevroni tashkil etdi.













