"Barselona" himoyachisi Ronald Arauxo mavsumoldi tayyorgarligini boshlab yubordi va jamoaning qolgan futbolchilari qaytguniga qadar yakka tartibda mashg‘ulot o‘tkazadi, deb xabar beradi Sport.es.
Manbaga ko‘ra, 26 yoshli urugvaylik ta’tildan qaytgan va bir necha kun Barselonada bo‘lib, jismoniy holatiga e’tibor qaratgan.
U har kuni o‘z sport zaliga ega bo‘lgan uyda shug‘ullanadi va klubning jismoniy tayyorgarlik bo‘yicha murabbiylari tomonidan ishlab chiqilgan individual dasturga amal qiladi.
Arauxo 2024/25yilgi mavsumda 24 ta o‘yinda 2 ta gol urdi va 2 ta golli uzatmani amalga oshirdi. Uning shartnomasi 2031 yilning yozigacha amal qiladi.
