"Real" hujumchisi Rodrigo "Arsenal"ning nishoni bo‘lib qolmoqda. London klubi 24 yoshli braziliyalikni o‘z safiga qo‘shib olish rejasini ishlab chiqdi. "Kanonirlar" klublar o‘rtasidagi jahon chempionatidan so‘ng Rodrigo uchun taklif bilan chiqishadi.

Londonliklar futbolchi bilan anchadan beri aloqada bo‘lib kelishgan, ammo endi u bor e’tiborini AQSHdagi turnirga qaratish uchun u bilan aloqani to‘xtatishni so‘ragan. Rodrigo u yerda deyarli o‘ynamadi, so‘nggi uchta o‘yinning ikkitasida braziliyalik futbolchi 90 daqiqani zaxirada o‘tkazdi.

AS maqolasida ta’kidlanishicha, "Arsenal" Rodrigo uchun 90 million yevrodan ko‘proq to‘lashga tayyor. Londonliklar braziliyalikni sport loyihasidagi muhim shaxs sifatida ko‘rmoqda.

Shu bilan birga, “kanonirlar” shoshilishmaydi, transfer dostoni yoz oxirigacha davom etishi mumkin. Hammasi klublar o‘rtasidagi jahon chempionatidan so‘ng Rodrigo va Xabi Alonso o‘rtasidagi suhbatdan boshlanadi. Braziliyalik o‘z istiqbollarini baholab, qaror qabul qiladi.