"Реал" ҳужумчиси Родриго "Арсенал"нинг нишони бўлиб қолмоқда. Лондон клуби 24 ёшли бразилияликни ўз сафига қўшиб олиш режасини ишлаб чиқди. "Канонирлар" клублар ўртасидаги жаҳон чемпионатидан сўнг Родриго учун таклиф билан чиқишади.
Лондонликлар футболчи билан анчадан бери алоқада бўлиб келишган, аммо энди у бор эътиборини АҚШдаги турнирга қаратиш учун у билан алоқани тўхтатишни сўраган. Родриго у ерда деярли ўйнамади, сўнгги учта ўйиннинг иккитасида бразилиялик футболчи 90 дақиқани захирада ўтказди.
AS мақоласида таъкидланишича, "Арсенал" Родриго учун 90 миллион евродан кўпроқ тўлашга тайёр. Лондонликлар бразилияликни спорт лойиҳасидаги муҳим шахс сифатида кўрмоқда.
Шу билан бирга, “канонирлар” шошилишмайди, трансфер достони ёз охиригача давом этиши мумкин. Ҳаммаси клублар ўртасидаги жаҳон чемпионатидан сўнг Родриго ва Хаби Алонсо ўртасидаги суҳбатдан бошланади. Бразилиялик ўз истиқболларини баҳолаб, қарор қабул қилади.
