Shanba kuni klublar o‘rtasidagi jahon chempionatining chorak finalining so‘nggi o‘yinlari bo‘lib o‘tdi. "PSJ" "Bavariya"ni (2:0), "Real" esa "Borussiya"ni (3:2) mag‘lub etishga muvaffaq bo‘ldi. Yarim finalda parijliklar “Los-Blankos” (9 iyul) bilan, bir kun avval esa Braziliyaning “Fluminense” va Londonning “Chelsi” jamoalari finalning ilk yo‘llanmasi uchun kurash olib borishadi.
Opta superkompyuterining hisob-kitoblariga ko‘ra, turnirning asosiy favoriti yana "PSJ" bo‘lib, g‘alaba qozonish ehtimoli 38,54 foizga baholangan. Ikkinchi o‘rinda “Chelsi” – 33,86 foiz, “Real” esa 24,67 foiz bilan uchinchi o‘rinda bormoqda. “Fluminense” yaqqol autsayder sanaladi – atigi 2,93% imkoniyat mavjud.
