"Barselona" Mark-Andre ter Shtegenning ketishini talab qilmaydi.
Avvalroq, "blaugrana" germaniyalik posbon bilan xayrlashmoqchi ekani haqida xabarlar tarqalgan edi.
Joriy yozda "ko‘k-anorranglilar" "Espanyol"dan darvozabon Joan Garsiyani 25 million yevroga sotib oldi. Ikkinchi darvozabon pozisiyasi klub shartnomani uzaytirmoqchi bo‘lgan Voysex Shesni uchun qoldirildi, deya xabar beradi Diario Sport.
"Barsa" uning shaxsiyati, fe’l-atvori va zaxira ro‘yxatidan kelib chiqib, ter Shtegen zaxira darvozaboni sifatida mos emasligini tushunib turibdi. 33 yoshli futbolchining shartnomasi 2028 yilgacha mo‘ljallangan bo‘lsa-da, ular uning ketishini tashkillashtirmoqchi va buni imkon qadar og‘riqsiz amalga oshirmoqchi.
Mavsumoldi o‘yinlarining dastlabki kunlarida Xanski Flik hamyurti bilan uchrashib, u bilan ochiqchasiga gaplashib olishni rejalashtirmoqda. Murabbiy unga darvozabon va u o‘ziga olishi kerak bo‘lgan yangi rol haqidagi rejalari haqida to‘g‘ridan-to‘g‘ri ma’lumot bermoqchi. Agar u oxir-oqibat jamoada qolishga qaror qilsa, buni vaziyatni to‘liq tushungan holda amalga oshiradi.
Qayd etilishicha, tanaffus vaqtida klub va futbolchi o‘rtasida hech qanday rasmiy aloqalar bo‘lmagan, har ikki tomon kelajakni muhokama qilish uchun mavsumoldi boshlanishini kutgan. Klub nemisning karyerasi va kiyinish xonasidagi ta’siriga maksimal hurmat bilan yondashmoqchi. Shu sababli, rahbariyat har qanday ketish varianti bo‘yicha muzokaralar olib borish uchun ochiq bo‘lsa-da, uni ketishga majburlashmaydi.
