Madridning “Real” klubi “Osasuna”ga qarshi La Liganing 1-tur uchrashuvi sanasini boshqa muddatga ko‘chirishga umid qilmoqda. Uchrashuv 19 avgustga belgilangan.

Jurnalist Migel Anxel Diasning yozishicha, “qirollik” klubi vakillari klublar o‘rtasidagi jahon chempionatidan so‘ng jamoada tiklanish va yangi mavsumga tayyorgarlik ko‘rish uchun yetarlicha vaqt bo‘lmaydi, deb hisoblamoqda, shuning uchun ular boshqa muddatga ko‘chirishni so‘ramoqchi.

Madridning “Real” klubi so‘nggi Ispaniya chempionatida “Barselona”dan 4 ochko ortda qolgan holda 84 ochko bilan ikkinchi o‘rinni egalladi.