“Andijon” jamoasining Superliga 15-turidagi “Bunyodkor”ga qarshi bo‘lib o‘tgan o‘yini birinchi davradagi so‘nggi bahs bo‘ldi. Shu sababli jamoa a’zolari kichik ta’tilga chiqdilar.

Ikkinchi davraga tayyorgarlik uchun rejalar ishlab chiqilgan bo‘lib, “Burgutlar” 12 iyuldan yozgi yig‘inga kirishishadi. Dastlab futbolchilar tibbiy ko‘rikdan o‘tadilar. Ikki kun mobaynida o‘z qarorgohida shug‘ullanadigan jamoamiz 14 iyuldan 12 kunlik yig‘in uchun Tojikistonga jo‘nab ketadi.

Shuningdek, 1 iyuldan boshlab yozgi transfer oynasi ochilgan va hozirda tarkibni kuchaytirish borasida yangi futbolchilar bilan qizg‘in muzokaralar olib borilmoqda.