Madridning “Real” klubi rasmiy ravishda La Ligadan klublar o‘rtasidagi jahon chempionati sabab birinchi tur o‘yinini qoldirishni so‘radi.
Madrid klubi "Osasuna"ga qarshi chempionatning birinchi o‘yinini 19 avgustdan 29 oktyabrga ko‘chirishni so‘rab xat yo‘lladi, deb xabar beradi Cadena SER nashri.
Qayd etilishicha, "Osasuna" va Ispaniya futbol federasiyasi bilan muzokaralardan so‘ng barcha tomonlar uchrashuvni oktyabr oyiga belgilashga kelishib olishgan. Biroq, "Los Blankos" hali ham La Liganing roziligini kutmoqda.
Kasaba uyushmasi va klubning o‘ziga ko‘ra, futbolchilarga 3 haftalik ta’til (ish beruvchi tomonidan imzolangan shartnomaga ko‘ra majburiy) va mavsumoldi 3 hafta kerak. Madrid klubi klublar o‘rtasidagi jahon chempionatining yarim finaliga chiqqani uchun bu muddatlar kechiktirilmasdan bajarilmaydi.
Avvalroq La Liga Ispaniya terma jamoasini jahon chempionatida himoya qiladigan klublar chorak finalga chiqsa, mavsum boshlanishini keyinga surishga rozi bo‘lgani xabar qilingandi. Shunga qaramay, La Liga hozirda "Real Madrid"ni qabul qilishdan bosh tortmoqda. Raqobat qo‘mitasi aralashishi mumkin.
