Мадриднинг “Реал” клуби расмий равишда Ла Лигадан клублар ўртасидаги жаҳон чемпионати сабаб биринчи тур ўйинини қолдиришни сўради.
Мадрид клуби "Осасуна"га қарши чемпионатнинг биринчи ўйинини 19 августдан 29 октябрга кўчиришни сўраб хат йўллади, деб хабар беради Cadena SER нашри.
Қайд этилишича, "Осасуна" ва Испания футбол федерацияси билан музокаралардан сўнг барча томонлар учрашувни октябрь ойига белгилашга келишиб олишган. Бироқ, "Лос Бланкос" ҳали ҳам Ла Лиганинг розилигини кутмоқда.
Касаба уюшмаси ва клубнинг ўзига кўра, футболчиларга 3 ҳафталик таътил (иш берувчи томонидан имзоланган шартномага кўра мажбурий) ва мавсумолди 3 ҳафта керак. Мадрид клуби клублар ўртасидаги жаҳон чемпионатининг ярим финалига чиққани учун бу муддатлар кечиктирилмасдан бажарилмайди.
Аввалроқ Ла Лига Испания терма жамоасини жаҳон чемпионатида ҳимоя қиладиган клублар чорак финалга чиқса, мавсум бошланишини кейинга суришга рози бўлгани хабар қилинганди. Шунга қарамай, Ла Лига ҳозирда "Реал Мадрид"ни қабул қилишдан бош тортмоқда. Рақобат қўмитаси аралашиши мумкин.
