"PSJ" markaziy himoyachisi Milan Shkrinyar "Fenerbaxche"ga o‘tishga yana bir qadam yaqinlashdi. Ushbu ma’lumotni insayder Nikolo Skira tarqatmoqda.

Manbaga ko‘ra, 30 yoshli slovakiyalik futbolchi turk jamoasi bilan 2028 yilgacha mo‘ljallangan shaxsiy mehnat shartnomasi shartlari bo‘yicha kelishib olgan. Ma’lum qilinishicha, ayni damda "Fenerbaxche" "PSJ" bilan ilg‘or muzokaralar olib bormoqda va bu haftada davom etadi. Insayderning so‘zlariga ko‘ra, Shkrinyarga Saudiya klubi murojaat qilgan, biroq futbolchi rad javobini bergan, chunki u Yevropada qolmoqchi.

Eslatib o‘tamiz, himoyachi o‘tgan mavsumning ikkinchi yarmini "Fenerbaxche"da ijara asosida o‘tkazgan edi. U maydonda 23 ta o‘yinda maydonga tushib, 3 ta gol urdi va 2 ta golli uzatmani amalga oshirdi.