"Strasburg" himoyachisi Gela Duening yaqin orada "Milan"ga o‘tishi dargumon. "Rossonerilar" ivuarlik futbolchining transferi uchun 15 mln yevro to‘lashga tayyor edi, biroq fransuz klubi rad javobini berdi, deya xabar bermoqda insayder Fabrisio Romano. "Strasburg" 22 yoshli futbolchining sotuvidan kamida 35 mln yevro ishlab olmoqchi.

Gela Due markaziy himoyada ham, o‘ng qanotda ham o‘ynashga qodir. Transfermarkt saytidagi futbolchining taxminiy narxi - 18 mln yevro. "Renn" tarbiyalanuvchisining "Strasburg" bilan amaldagi mehnat shartnomasi 2029 yilning yarmigacha mo‘ljallangan.

Gela Duega Londonning "Chelsi" klubi ham qiziqish bildirayotgan edi.