"Страсбург" ҳимоячиси Гела Дуэнинг яқин орада "Милан"га ўтиши даргумон. "Россонерилар" ивуарлик футболчининг трансфери учун 15 млн евро тўлашга тайёр эди, бироқ француз клуби рад жавобини берди, дея хабар бермоқда инсайдер Фабрицио Романо. "Страсбург" 22 ёшли футболчининг сотувидан камида 35 млн евро ишлаб олмоқчи.
Гела Дуэ марказий ҳимояда ҳам, ўнг қанотда ҳам ўйнашга қодир. Transfermarkt сайтидаги футболчининг тахминий нархи - 18 млн евро. "Ренн" тарбияланувчисининг "Страсбург" билан амалдаги меҳнат шартномаси 2029 йилнинг ярмигача мўлжалланган.
Гела Дуэга Лондоннинг "Челси" клуби ҳам қизиқиш билдираётган эди.
