"Manchester Yunayted"ning sobiq himoyachisi Pol Parker hujumchi Rasmus Xyoylundning ketishi mumkinligi haqida fikr bildirdi.

"Menimcha, Rasmusni sotish muammo bo‘ladi. Klub istiqbolli futbolchi uchun ko‘p pul sarfladi, keyin esa u ishonchni oqlamadi. Uni arzon-garovga berish yoki u yana rivojlana olishiga umid qilish qoladi," - deya Parkerning so‘zlarini keltiradi Goal.com.

Shuningdek, Parker o‘tgan mavsumda "MYU"da "Aston Villa"dan Olli Uotkinsdek futbolchi bo‘lmaganini ta’kidladi.

"U ikkinchi qavatdagi o‘yinda juda kuchli, hujumni boshqara oladi, bu o‘tgan mavsumda "Manchester"ga yetishmagandi. Hatto ko‘r ham Xyoylunddan ko‘ra yaxshiroq uddalay olardi."

O‘tgan mavsumda Rasmus 52 ta o‘yinda 10 ta gol va 2 ta golli uzatmaga mualliflik qilgan.