"Манчестер Юнайтед"нинг собиқ ҳимоячиси Пол Паркер ҳужумчи Расмус Хёйлунднинг кетиши мумкинлиги ҳақида фикр билдирди.

"Менимча, Расмусни сотиш муаммо бўлади. Клуб истиқболли футболчи учун кўп пул сарфлади, кейин эса у ишончни оқламади. Уни арзон-гаровга бериш ёки у яна ривожлана олишига умид қилиш қолади," - дея Паркернинг сўзларини келтиради Goal.com.

Шунингдек, Паркер ўтган мавсумда "МЮ"да "Астон Вилла"дан Олли Уоткинсдек футболчи бўлмаганини таъкидлади.

"У иккинчи қаватдаги ўйинда жуда кучли, ҳужумни бошқара олади, бу ўтган мавсумда "Манчестер"га етишмаганди. Ҳатто кўр ҳам Хёйлунддан кўра яхшироқ уддалай оларди."

Ўтган мавсумда Расмус 52 та ўйинда 10 та гол ва 2 та голли узатмага муаллифлик қилган.