“Roma” va Argentina terma jamoasi hujumchisi Paulo Dibala Angliya chempionatida ishlash imkoniyatiga ega. Bu haqda Il Romanista xabar bermoqda.

Manbaning xabariga ko‘ra, 31 yoshli futbolchi o‘z safiga qo‘shishga "Liverpul" klubi qiziqmoqda. "Qizillar" rahbariyati Dibalaning agentlari bilan bog‘lanib, dastlabki muzokaralarni o‘tkazdi. Argentinalik futbolchining "bo‘rilar" bilan shartnomasi kelasi yilning o‘rtalariga qadar tuzilgan.

O‘tgan mavsumda hujumchi 36 ta o‘yinda maydonga tushib, 8 ta gol urdi va 4 ta golli uzatmani amalga oshirdi.