Madridning "Real" klubi yarim himoyachisi Jud Bellingem jamoa safidagi yuzinchi o‘yinini o‘tkazishga tayyorgarlik ko‘rmoqda.
Angliyalik futbolchi klublar o‘rtasidagi jahon chempionati yarim finalida "PSJ"ga qarshi bahsda ishtirok etsa, chorshanba kuni yubileyni nishonlaydi.
"Men juda faxrlanaman. Bu men uchun ulkan yutuq, ushalgan orzu. "Real"da o‘ynash nimani anglatishini juda yaxshi bilaman va buni tabiiy qabul qilmayman. Bunday klubdagi yuzinchi o‘yin men va oilam uchun alohida lahza. Umid qilamanki, oldinda yana yuzlab o‘yinlar bor," - deya Bellingemning so‘zlarini keltiradi Madrid Xtra.
