"Krasnodar" tarbiyalanuvchisi Matvey Safonov o‘zining "PSJ"ga o‘tishini baholadi va Yevropa futbolidagi keyingi mavsumlardan umidlari bilan o‘rtoqlashdi.
"Aytish mumkinki, "PSJ"ga o‘tish - faoliyatimning Yevropadagi boshlanishi. Umid qilamanki, hammasi davom etadi", - dedi Safonov Okko bilan suhbatda.
O‘tgan yilning iyul oyida Rossiya terma jamoasi darvozaboni Matvey Safonov “Krasnodar”dan “PSJ”ga o‘tgan edi. OAV xabariga ko‘ra, transfer 20 million yevroni tashkil qilgan. Yevropa futbolidagi birinchi yilida Safonov Fransiya chempioni, mamlakat kubogi va Superkubogi g‘olibi, shuningdek, UYEFA Chempionlar ligasi g‘olibi bo‘ldi.
