"PSJ" bosh murabbiyi Luis Enrike klublar o‘rtasidagi jahon chempionati yarim finalidan o‘rin olgan "Real"ga (4:0) qarshi o‘yindan so‘ng o‘z taassurotlari bilan o‘rtoqlashdi.
"Biz tarixiy yutuqdan bir qadam uzoqdamiz - barcha sovrinlarni qo‘lga kiritgan birinchi fransuz jamoasi bo‘lishimiz mumkin. Bu yerda ishlash men uchun katta sharaf. Klub prezidenti va barcha sport xodimlari tomonidan qo‘llab-quvvatlanayotganini his qilyapman - barchamiz bir maqsad yo‘lida birgamiz. Biz hech qachon bunday darajaga erisha olamiz deb o‘ylamagandik," - dedi Enrike matbuot anjumanida.
