Luis Dias va Alisson Diogu Jota dafn marosimida qatnashdilar.
"Liverpul" va Portugaliya terma jamoasi forvardi, shuningdek, uning Portugaliya ikkinchi ligasi vakili "Penafiel" safida to‘p tepgan ukasi Andre Teysheyra da Silva 3 iyul kuni Ispaniyada sodir bo‘lgan YTHda vafot etdi. Futbolchilar o‘zlarining tug‘ilgan shahri Gondomarga dafn qilindi.
Dafn marosimiga kela olmagan "Liverpul" futbolchilari Jota va uning akasi vafotidan so‘ng yettinchi kuni Gondomarda bo‘lib o‘tgan xotirlash marosimiga tashrif buyurishdi, deb xabar beradi Mundo Deportivo.
Qayd etilishicha, marosimda yuzga yaqin kishi, jumladan, "Penafiel" futbolchilari, Diogu Koshta, Joze Sa, Ruben Nevesh, Andre Orta, Joau Mariu, Portugaliya futbol federasiyasi prezidenti Pedru Proensa va futbol agenti Jorje Mendesh ishtirok etgan.













