Xabi Alonso yulduz hujumchilar - Vinisius Junior va Kilian Mbappening himoyadagi ishlaridan norozi ekani aytilmoqda. Mashhur murabbiy Visente del Boske "Real" bosh murabbiyini o‘yinchilarni o‘zgartirishda haddan oshmaslik kerakligi haqida ogohlantirdi.
"Murabbiyning vazifasi futbolchi qanday bo‘lsa, shundayligicha qabul qilish va shu asosda maksimal samaradorlikka erishishga harakat qilishdir. Agar Mbappe sizga yoqsa, u o‘ynashi kerak. Agar Vinisius sizga yoqsa, u ham o‘ynashi kerak. Agar ular boshqacha o‘ynaganida, Vinisius va Mbappe bo‘lmasdi. Biz ko‘pincha o‘yinchilarni qanday bo‘lsa, shundayligicha qabul qilishimiz kerak, ammo bu jamoaviy ishni xavf ostiga qo‘ymasligi kerak," - dedi del Boske.
Klublar o‘rtasidagi jahon chempionati yarim finalida "Real" "PSJ"ga 0:4 hisobida yutqazdi.
