Хаби Алонсо юлдуз ҳужумчилар - Винисиус Жуниор ва Килиан Мбаппенинг ҳимоядаги ишларидан норози экани айтилмоқда. Машҳур мураббий Висенте дель Боске "Реал" бош мураббийини ўйинчиларни ўзгартиришда ҳаддан ошмаслик кераклиги ҳақида огоҳлантирди.
"Мураббийнинг вазифаси футболчи қандай бўлса, шундайлигича қабул қилиш ва шу асосда максимал самарадорликка эришишга ҳаракат қилишдир. Агар Мбаппе сизга ёқса, у ўйнаши керак. Агар Винисиус сизга ёқса, у ҳам ўйнаши керак. Агар улар бошқача ўйнаганида, Винисиус ва Мбаппе бўлмасди. Биз кўпинча ўйинчиларни қандай бўлса, шундайлигича қабул қилишимиз керак, аммо бу жамоавий ишни хавф остига қўймаслиги керак," - деди дель Боске.
Клублар ўртасидаги жаҳон чемпионати ярим финалида "Реал" "ПСЖ"га 0:4 ҳисобида ютқазди.
