«Реал» президентлигига номзод Энрике Рикельме, агар сайловда ғалаба қозонса, Эрлинг Холандни трансфер қилишини маълум қилди.
37 ёшли бизнесмен El Hormiguero дастури эфирида Мадрид клубининг янги уй формаси футболкасини кўрсатди, унинг орқа томонида норвегиялик ҳужумчининг фамилияси ёзилган эди.
Холанд «Манчестер Сити» сафида тўп суради ва унинг инглиз клуби билан шартномаси 2034 йилгача мўлжалланган. Ўтган мавсумда 25 ёшли футболчи АПЛда 35 та учрашув ўтказиб, 27 та гол урди ва 8 та голли узатмани амалга оширди.
«Реал»да президентлик сайловлари 7 июнь куни бўлиб ўтади.
