Ispaniya La Ligasi prezidenti Xavyer Tebas "Atletik" vingeri Niko Uilyamsning "Barselona"ga transferi barbod bo‘lgani haqida gapirdi.
"Uilyams ro‘yxatdan o‘tish kafolatini so‘raganini o‘qigandim. Aniq shartlarni bilmayman, ammo "Barselona" ularni berishga tayyor emasdi. O‘ylashimcha, "Barselona" o‘tgan mavsumlarda bo‘lgani kabi, futbolchilarni o‘z safiga qo‘shib olib, so‘nggi daqiqagacha kutadigan holatda. Bu ba’zi yulduzlarning tavakkal qilmaslikka va noaniq vaziyatga tushib qolmaslikka qaror qilishiga olib kelishi mumkin," - deya Tebasning so‘zlarini keltiradi Barca News.
Avvalroq, "Barselona" 1:1 qoidasiga rioya qilmagani uchun futbolchilarni ro‘yxatdan o‘tkazishda muammolarga duch kelgan edi.
