Испания Ла Лигаси президенти Хавьер Тебас "Атлетик" вингери Нико Уильямснинг "Барселона"га трансфери барбод бўлгани ҳақида гапирди.
"Уильямс рўйхатдан ўтиш кафолатини сўраганини ўқигандим. Аниқ шартларни билмайман, аммо "Барселона" уларни беришга тайёр эмасди. Ўйлашимча, "Барселона" ўтган мавсумларда бўлгани каби, футболчиларни ўз сафига қўшиб олиб, сўнгги дақиқагача кутадиган ҳолатда. Бу баъзи юлдузларнинг таваккал қилмасликка ва ноаниқ вазиятга тушиб қолмасликка қарор қилишига олиб келиши мумкин," - дея Тебаснинг сўзларини келтиради Barca News.
Аввалроқ, "Барселона" 1:1 қоидасига риоя қилмагани учун футболчиларни рўйхатдан ўтказишда муаммоларга дуч келган эди.
