"Barselona"ning 17 yoshli vingeri Lamin Yamal xavfsizlik qoidalariga qat’iy rioya qilgan holda yulduzlar bilan yopiq bazm uyushtirishni rejalashtirmoqda. Bu haqda Marca nashri xabar bermoqda.

Manbaga ko‘ra, mehmonlarga telefon olib kirish va suratga olish taqiqlanadi. Tadbir aynan qayerda o‘tkazilishi noma’lum, biroq unda mashhurlar ishtirok etishi kutilmoqda. Shu bilan birga, ta’kidlanishicha, ertasi kuni Yamal "Barselona" bilan ikkita mashg‘ulot o‘tkazadi.

Iste’dodli futbolchi ertaga, 13 iyul kuni 18 yoshga to‘ladi. Ispaniya La Ligasining yangi mavsumi avgust oyi o‘rtalarida start olishi rejalashtirilgan.