Londonning "Chelsi" klubi darvozaboni Robert Sanches jamoadoshi Koul Palmerni dunyoning eng yaxshi futbolchisi deb atadi.
Palmer klublar o‘rtasidagi jahon chempionati finalida "PSJ"ga qarshi o‘yinda dubl qayd etdi va golli uzatmani amalga oshirdi.
"Koul Palmer hozirda dunyodagi eng yaxshi futbolchi. Agar u hozir eng yaxshisi bo‘lmasa, yaqin ikki-uch yil ichida shunday bo‘ladi. U - top futbolchi," - deya Sanchesning so‘zlarini keltiradi FIFA matbuot xizmati.
Darvozabon Palmerning futbolini sehr deb atadi va futbolchi har bir o‘yinda o‘z darajasini tasdiqlayotganini qo‘shimcha qildi.
