Лондоннинг "Челси" клуби дарвозабони Роберт Санчес жамоадоши Коул Палмерни дунёнинг энг яхши футболчиси деб атади.
Палмер клублар ўртасидаги жаҳон чемпионати финалида "ПСЖ"га қарши ўйинда дубль қайд этди ва голли узатмани амалга оширди.
"Коул Палмер ҳозирда дунёдаги энг яхши футболчи. Агар у ҳозир энг яхшиси бўлмаса, яқин икки-уч йил ичида шундай бўлади. У - топ футболчи," - дея Санчеснинг сўзларини келтиради ФИФА матбуот хизмати.
Дарвозабон Палмернинг футболини сеҳр деб атади ва футболчи ҳар бир ўйинда ўз даражасини тасдиқлаётганини қўшимча қилди.
