O‘ng qanot vingeri Runi Bardji "Kopengagen"dan "Barselona"ga o‘tdi. Bu haqda Kataloniya klubi matbuot xizmati xabar bermoqda. 19 yoshli shvedning mehnat shartnomasi 2029 yil 30 iyungacha mo‘ljallangan.
Avvalroq, yangi futbolchining xaridi "Barselona"ga taxminan ikki million yevroga tushgani haqida xabarlar tarqalgan edi.
O‘tgan mavsumda Bardji oltita uchrashuvda qatnashib, gol ura olmagan. Vinger mavsumning ko‘p qismini xochsimon bog‘lamining uzilishi tufayli o‘tkazib yubordi.
Hammasi bo‘lib Bardji "Kopengagen" safida 84 ta o‘yin o‘tkazib, 15 ta gol urgan va bitta golli uzatmani amalga oshirgan.
