Ivuarlik yarim himoyachi Frank Kessi tez orada Italiya chempionatiga qaytishi mumkin, unga Turinning "Yuventus" klubi qiziqish bildirmoqda. Bu haqda Italiyaning Tuttosport nashri xabar bermoqda.
Biroq o‘tmishda "Atalanta", shuningdek, "Milan" sharafini himoya qilgan futbolchining moliyaviy talablari bunga to‘siq bo‘lishi mumkin. Hozirda u Yaqin Sharqda faoliyat olib bormoqda.
Eslatib o‘tamiz, Italiya chempionatining yangi mavsumi avgust oyining ikkinchi yarmida boshlanadi, mamlakatning amaldagi chempioni "Napoli" hisoblanadi.
