"Bavariya" chap qanot vingeri Luis Diasni o‘z safiga qo‘shib olish ustida ishlashda davom etmoqda. ESPN xabariga ko‘ra, Myunxen grandi 28 yoshli kolumbiyalik futbolchi uchun yangi taklif tayyorlamoqda - 70 million yevro va bonuslar. "Bavariya" Diasni ustuvor transfer maqsadi sifatida ko‘rmoqda.

Avvalroq, "Liverpul" "Bavariya"ning Dias bo‘yicha 67,5 million yevrolik taklifini rad etgandi. Endi Germaniya chempionlari o‘z taklifini yaxshiladi.

"Liverpul" safida Luis Dias turli musobaqalarda 148 ta rasmiy o‘yin o‘tkazib, o‘z hisobiga 41 ta gol va 23 ta golli uzatmani yozdirib qo‘ygan.