"Manchester Yunayted" vingeri Markus Reshford tez orada "Barselona" safiga borib qo‘shiladi.
27 yoshli futbolchi allaqachon tibbiy ko‘rikdan o‘tgan, chorshanba kuni esa Kataloniya grandining yangi a’zosi sifatida tanishtirilishi kutilmoqda. Mundo Deportivo xabariga ko‘ra, bugun, seshanba kuni ingliz "ko‘k-anorranglilar" bilan ilk mashg‘ulotini o‘tkazadi.
"Barselona" Markus Reshfordni mavsum oxirigacha ijaraga olishga kelishib oldi - bu davrda "Manchester Yunayted" futbolchiga maosh to‘lash majburiyatidan to‘liq ozod etiladi. Ispan klubi "qizil iblislar" tarbiyalanuvchisini 30 mln yevroga sotib olishi mumkin.
