"Yuventus" hujumchi Randal Kolo-Muanini o‘z safida olib qolish uchun qo‘lidan kelgan barcha ishni qilmoqda.
Fransuz o‘tgan mavsumning ikkinchi yarmida "Byankonerilar" safida ijarada o‘ynab, o‘zini ko‘rsatdi. Turinliklar ijara muddatini bir yilga uzaytirish va sotib olish imkoniyatini qo‘shishdan manfaatdor, biroq "PSJ"ni bunday variant qoniqtirmayapti - parijliklar futbolchini to‘g‘ridan-to‘g‘ri sotmoqchi. Shunga qaramay, insayder Fabrisio Romanoning yozishicha, "Yuventus" taslim bo‘lmayapti - 26 yoshli hujumchi bo‘yicha muzokaralar allaqachon qayta boshlangan.
Shuningdek, Randal Kolo-Muanining o‘zi ham "Yuventus"ga o‘tishni talab qilmoqda. Hozir faqat bir narsa aniq: futbolchi endi "PSJ"da o‘ynamaydi.
