"Real" futbolchilari klublar o‘rtasidagi jahon chempionatini yangi bosh murabbiy Xabi Alonso qo‘l ostida o‘tkazishdi. Madridliklar yarim finalga chiqdi, u yerda "PSJ"dan alamli mag‘lubiyat qabul qilindi - 0:4. Ayni damda "qaymoqranglilar" futbolchilari ta’tilda.

Transfer News Live nashrining jurnalist Xose Feliks Diasga tayanib xabar berishicha, "Real"ning asosiy tarkibidagi barcha futbolchilar bo‘lajak mavsumdagi vazifalari haqida xabardor qilingan. Ta’tilda har bir o‘yinchi o‘z kelajagini o‘ylab ko‘rishi va qaror qabul qilishi mumkin.

Qayd etilishicha, hujumchi Rodrigoga muntazam o‘yin amaliyotiga ega bo‘lish qiyin bo‘ladi, shu bois braziliyalik futbolchi jamoani tark etishi mumkin.