"Parij" "Portu" markaziy himoyachisi Otavioni sotib oldi. 23 yoshli braziliyalik besh yillik shartnomaga imzo chekdi, kelishuv 17 mln yevroga baholanmoqda.
Otavio bir yarim yil oldin Portugaliyaning "Famalikan" klubidan "Portu"ga o‘tgan edi. O‘shanda futbolchi bo‘yicha kelishuv summasi 12,3 mln yevroga baholangandi.
"Parij"ning yangi futbolchisi Braziliyaning "Flamengo" klubi tarbiyalanuvchisi hisoblanadi. Transfermarkt portali ekspertlari talqiniga ko‘ra, futbolchining narxi 10 mln yevroni tashkil etadi.
Eslatib o‘tamiz, "Parij" yangi mavsumni Fransiya chempionati yuqori divizionida o‘tkazadi. Jamoa o‘tgan mavsumda 69 ochko jamg‘arib, mamlakatning ikkinchi eng kuchli divizionida ikkinchi o‘rinni egallagan edi.













