"Париж" "Порту" марказий ҳимоячиси Отавиони сотиб олди. 23 ёшли бразилиялик беш йиллик шартномага имзо чекди, келишув 17 млн еврога баҳоланмоқда.
Отавио бир ярим йил олдин Португалиянинг "Фамаликан" клубидан "Порту"га ўтган эди. Ўшанда футболчи бўйича келишув суммаси 12,3 млн еврога баҳоланганди.
"Париж"нинг янги футболчиси Бразилиянинг "Фламенго" клуби тарбияланувчиси ҳисобланади. Transfermarkt портали экспертлари талқинига кўра, футболчининг нархи 10 млн еврони ташкил этади.
Эслатиб ўтамиз, "Париж" янги мавсумни Франция чемпионати юқори дивизионида ўтказади. Жамоа ўтган мавсумда 69 очко жамғариб, мамлакатнинг иккинчи энг кучли дивизионида иккинчи ўринни эгаллаган эди.
