"Chelsi" "RB Leypsig" bilan Xavi Simons transferi bo‘yicha muzokaralarni boshladi.

Sky Sport Deutschland xabariga ko‘ra, "ko‘klar" "Leypsig"ga yarim himoyachi bilan shartnoma imzolashga qiziqish bildirayotganini ma’lum qilgan, nemis klubi birinchi taklifni kutmoqda. "Chelsi" boshqa klublardan o‘zib ketish uchun tezkor harakat qilmoqchi.

Qayd etilishicha, "Bavariya" ham Simonsning hozirgi holatiga oydinlik kiritish maqsadida bir necha bor qo‘ng‘iroq qilgan, biroq hozircha klub bu borada boshqa qadamlar qo‘yishni rejalashtirayotgani ma’lum emas.

O‘tgan mavsumda Simons Bundesligada 25 ta o‘yinda 10 ta gol va 7 ta golli uzatmaga mualliflik qilgan.