"Челси" "РБ Лейпциг" билан Хави Симонс трансфери бўйича музокараларни бошлади.

Sky Sport Deutschland хабарига кўра, "кўклар" "Лейпциг"га ярим ҳимоячи билан шартнома имзолашга қизиқиш билдираётганини маълум қилган, немис клуби биринчи таклифни кутмоқда. "Челси" бошқа клублардан ўзиб кетиш учун тезкор ҳаракат қилмоқчи.

Қайд этилишича, "Бавария" ҳам Симонснинг ҳозирги ҳолатига ойдинлик киритиш мақсадида бир неча бор қўнғироқ қилган, бироқ ҳозирча клуб бу борада бошқа қадамлар қўйишни режалаштираётгани маълум эмас.

Ўтган мавсумда Симонс Бундеслигада 25 та ўйинда 10 та гол ва 7 та голли узатмага муаллифлик қилган.