Angliyaning "Brayton" klubini tark etgan ekvadorlik himoyachi Pervis Estupinyan Italiyaning "Milan" klubiga o‘tgani haqida fikr bildirdi.
U Football Italia nashriga bergan intervyusida Italiyaning eng sovrindor klublaridan biriga o‘tganidan his-tuyg‘ularini izhor qildi. 27 yoshli futbolchining so‘zlariga ko‘ra, "rossonerilar" safida o‘ynash imkoniyati nafaqat faoliyatidagi navbatdagi qadam, balki uzoq yillik orzusining ro‘yobga chiqishidir:
- Men juda xursandman va hayajondaman. Bolaligimdan shunday buyuk klubda o‘ynashni orzu qilardim va endi bu haqiqatga aylandi. Barcha mashaqqatli mehnatlarim o‘zini oqladi. Faqat ishga kirishish va jamoa bilan birgalikda muvaffaqiyatga intilish qoldi, - dedi futbolchi.
