Англиянинг "Брайтон" клубини тарк этган эквадорлик ҳимоячи Первис Эступиньян Италиянинг "Милан" клубига ўтгани ҳақида фикр билдирди.
У Football Italia нашрига берган интервьюсида Италиянинг энг совриндор клубларидан бирига ўтганидан ҳис-туйғуларини изҳор қилди. 27 ёшли футболчининг сўзларига кўра, "россонерилар" сафида ўйнаш имконияти нафақат фаолиятидаги навбатдаги қадам, балки узоқ йиллик орзусининг рўёбга чиқишидир:
- Мен жуда хурсандман ва ҳаяжондаман. Болалигимдан шундай буюк клубда ўйнашни орзу қилардим ва энди бу ҳақиқатга айланди. Барча машаққатли меҳнатларим ўзини оқлади. Фақат ишга киришиш ва жамоа билан биргаликда муваффақиятга интилиш қолди, - деди футболчи.
