Janubiy Koreya terma jamoasi sardori Son Xyon Minning kelajagi tez orada oydinlashishi kutilmoqda. Nufuzli insayder Fabrisio Romanoning xabar berishicha, MLSning "Los-Anjeles" klubi 33 yoshli vingerning transferi bo‘yicha "Tottenxem"ga rasman taklif bilan chiqqan.
Manbaga ko‘ra, agar koreysning o‘zi Angliyadan ketishga qaror qilsa, londonliklar bunga to‘sqinlik qilmaydi. Yaqin vaqt ichida Son "shporlar" rahbariyati bilan uchrashib, faoliyatidagi keyingi qadamlarini muhokama qilishni rejalashtirmoqda.
O‘tgan mavsumni hujumchi barqaror darajada o‘tkazdi - u "Tottenxem" safida barcha musobaqalarda 46 ta o‘yinda maydonga tushib, 11 ta gol urdi va 12 ta golga hammualliflik qildi.
