Жанубий Корея терма жамоаси сардори Сон Хён Миннинг келажаги тез орада ойдинлашиши кутилмоқда. Нуфузли инсайдер Фабрицио Романонинг хабар беришича, МЛСнинг "Лос-Анжелес" клуби 33 ёшли вингернинг трансфери бўйича "Тоттенхэм"га расман таклиф билан чиққан.
Манбага кўра, агар корейснинг ўзи Англиядан кетишга қарор қилса, лондонликлар бунга тўсқинлик қилмайди. Яқин вақт ичида Сон "шпорлар" раҳбарияти билан учрашиб, фаолиятидаги кейинги қадамларини муҳокама қилишни режалаштирмоқда.
Ўтган мавсумни ҳужумчи барқарор даражада ўтказди - у "Тоттенхэм" сафида барча мусобақаларда 46 та ўйинда майдонга тушиб, 11 та гол урди ва 12 та голга ҳаммуаллифлик қилди.
