25 iyul, juma kuni kechqurun "Vest Xem"ga jamoa yarim himoyachisi Lukas Paketadan garov o‘yinidagi barcha ayblovlar olib tashlangani haqida xabar berildi. 2023 yilda braziliyalik futbolchining "Manchester Siti"ga o‘tishi unga qarshi da’volar fonida barbod bo‘ldi. Bu haqda TBR Football xabar bermoqda.
Manbaga ko‘ra, "shaharliklar" 27 yoshli futbolchiga hamon qiziqish bildirmoqda va uni sotib olishni istisno qilmayapti. Ta’kidlanishicha, 2023 yilda tomonlar Paketani 80 million funt sterling (91,2 million yevro) evaziga transfer qilishga kelishib olgan. Agar yarim himoyachi shu yozda boshqa jamoaga o‘tishi mumkin bo‘lsa, uning narxi ikki barobardan ko‘proqqa arzonlashadi.
Eslatib o‘tamiz, xavbek 2022/2023 va 2023/2024 yilgi mavsumlarda "Lester", "Aston Villa", "Lids Yunayted" va "Bornmut"ga qarshi o‘yinlarda qasddan sariq kartochka olgani uchun umrbod diskvalifikasiya qilinishi mumkin edi.
O‘tgan mavsumda Paketa barcha musobaqalarda 36 ta o‘yinda maydonga tushib, beshta gol urgan.
