Ispaniya matbuoti "Milan" so‘nggi yillarda "Real Sosyedad" sharafini himoya qilayotgan yaponiyalik Takefusa Kuboga qiziqish bildirayotgani haqida yozmoqda. Biroq, fichajes.net nashrining aniqlik kiritishicha, basklar yapon yulduzini 40 million yevrodan kamiga sotishga tayyor emas. "Milan" esa odatda futbolchilar uchun buncha pul to‘lamaydi - u yerda ancha arzonroq tushadigan yoshi katta futbolchilarni sotib olishni afzal ko‘rishadi.
Eslatib o‘tamiz, Yevropada Kubo faqat Ispaniyada o‘ynagan, ammo bir nechta klublarni almashtirishga ulgurgan, ular orasida "Malyorka", "Vilyarreal", "Xetafe" va hatto Madridning "Real" klubi ham bor.
