"Real" Chema Andresni "Shtutgart"ga sotdi.
Bild nashri xabariga ko‘ra, markaziy yarim himoyachining transfer narxi 3 mln yevro atrofida bo‘lgan.
Shuningdek, madridliklar futbolchini 13,5 mln yevroga qayta sotib olish huquqini qo‘lga kiritgan. Agar "Real" keyinchalik Andresni yuqoriroq summaga qayta sotsa, "Shtutgart" kelishuvdan farqning 50 foizi miqdorida foyda ko‘radi.
Ispaniyalik nemis klubi bilan 2030 yilgacha mo‘ljallangan shartnoma imzoladi.
O‘tgan mavsumda yarim himoyachi "Kastilya" sharafini himoya qilgan, ammo "qaymoqranglilar"ning asosiy jamoasi safida La Ligada 2 ta o‘yinda zaxiradan maydonga tushgan.
